Տեքստի ճանաչման ABBYY FineReader ծրագիրը կարողանում է վերծանել բժիշկների ձեռագրերը:
Ծրագրի նոր տարբերակում բարելավված է արաբերեն տեքստաճանաչումը:
Լրացուցիչ MedText մոդուլի շնորհիվ FineReader-ի օգտատերերն այլևս ստիպված չեն լինի ինքնուրույն վերծանել բժիշկների գրած դեղատոմսերը կամ բուժման ուղեգրերը. բավական է սքանավորել թղթի վրա գրվածը և ճանաչման հանձնել ծրագրին:
Մասնագետների խոսքով՝ հենց արաբերենի տեքստաճանաչման հնարավորություններն են օգնել ավելի դյուրընթեռնելի դարձնել բժիշկների գրածները:
Աղբյուրը նշում է, որ արաբերեն տեքստը դրան անծանոթ մարդկանց թվում է միմյանց կապված միավորների բարդ հերթականություն, և հաճախ հնարավոր չէ առանձնացնել արաբերենի առանձին տառերը: Արաբերենի դեպքում տեքստը ճանաչվում է ոչ թե առանձին տառերով, այլ բառերով: Նմանատիպ խնդիրներ են առաջանում նաև բժիշկների գրած տեքստերը հասկանալու դեպքում։
