Ամերիկյան Apple տեխնոլոգիական ընկերության մեծ թվով ավստրալացի օգտատերերի սարքերը՝ iPhone սմարթֆոնները, iPad պլանշետներն ու Mac համակարգիչները, ենթարկվել են արհեստավարժ հաքերների հարձակմանը, որոնք գումար են պահանջում դրանք ապակոդավորելու համար։
Ինչպես նշում է The Telegraph-ը, անցած գիշերվա ընթացքում հաքերների թիրախում են հայտնվել Նոր Հարավային Ուելս, Քուինսլենդ, Վիկտորիա, Հարավային Ավստրալիա և Արևմտյան Ավստրալիա նահանգների բազմաթիվ բնակիչներ։
Նրանց մի մասը պատմել է, որ արթնացել է վաղ առավոտյան՝ իրենց «խնձորային սարքերի» ահազանգից հետո, որում ասվում էր, որ իրենք դարձել են հաքեր Օլեգ Պլիսի «զոհը»։ Apple ընկերությունը դեռևս չի արձագանքել այս միջադեպին։