ABBYY Lingvo-ն բառարանի Android տարբերակում տեսաթարգմանության գործառույթ է ներմուծել, ասված է ընկերության հաղորդագրությունում:
Օգտվողները նոր գործառույթի համար պետք է սեղմեն «Live-թարգմանություն» կոճակը: Տեսաթարգմանությունները հասանելի են ռուսերենից անգլերեն և հակառակը: Հավելվածի աշխատանքի համար ինտերնետին միացված լինել չի պահանջվում, փոխանցում է Lenta.ru-ն:
Նոր գործառույթը նախատեսված է անծանոթ բառի արագ թարգմանության համար: Էկրանին կտտացնելիս հավելվածը որոշում է մատի հպման վայրին ամենամոտ բառերը և դրանք ճանաչում ABBYY Mobile OCR Engine տեխնոլոգիայի շնորհիվ:
Նաև լուսանկարների վրայի բառերի թարգմանության գործառույթ է ավելացել, որը նախկինում միայն Lingvo-ի iOS տարբերակում կար: Ի տարբերություն «Live-թարգմանությանը», այն թույլ է տալիս աշխատել ավելի վաղ արված նկարների հետ: