Իտալական Նեապոլում ընթացքի մեջ են Համաշխարհային ուսանողական խաղերը: Այսօր տեղի են ունենում մարմնամարզության առանձին գործիքների վրա վարժությունների եզրափակիչները:
Օղակների վրա վարժությունում իրեն գերազանց դրսևորեց Արթուր Ավետիսյանը: Նա որակավորման փուլում 14.700 միավորով զբաղեցրել էր երկրորդ տեղը, իսկ այսօր տեղի ունեցած եզրափակչում իր ելույթի համար ստացավ 14.900 միավոր և զբաղեցրեց առաջին տեղը՝ դառնալով Համաշխարհային ուսանողական խաղերի չեմպիոն:
