Միջազգային 

ԱՄՆ հետախուզությունը՝ Boeing-ի վերաբերյալ

analitik.am

ԱՄՆ-ի հատուկ ծառայությունները պնդում են, որ «Մալայզիայի ավիագծերի» մարդատար ինքնաթիռը հուլիսի 17-ին Ուկրաինայի երկնքում «սխալմամբ» խփել են աշխարհազորայինները, որոնք, ըստ երևույթին, այն ընդունել են ռազմական ինքնաթիռի տեղ: Այս մասին ԱՄՆ-ի վարչակազմի կողմից լրագրողների համար հատուկ կազմակերպված ճեպազրույցում հայտնել են Միացյալ Նահանգների հետախուզության ներկայացուցիչները:  

 

Նրանք նշել են, որ տեղի ունեցած ողբերգությանը Ռուսաստանի իշխանությունների անմիջական մասնակցության վերաբերյալ ոչ մի տեղեկատվություն Վաշինգտոնը չունի: Միևնույն ժամանակ ճեպազրույցը վարողները հայտարարել են, թե Ռուսաստանն «ստեղծել Է պայմաններ», որոնք Էլ վերջին հաշվով ավիաաղետի են հանգեցրել Արևելյան Ուկրաինայի երկնքում:  

 

«Գերիշխող տեսակետն այն Է, որ դա (արել են) անջատականները»,- ասել Է ճեպազրույցը վարողներից մեկը: «Մենք չգիտենք» Boeing-ին կրակողների «անունը, մենք չգիտենք կոչումը և մենք 100 տոկոսով համոզված չենք ազգության հարցում», ասել Է ԱՄՆ-ի հետախուզության այդ աշխատակիցը:

 

Իրենց եզրակացությունները Միացյալ Նահանգների հետախուզության աշխատակիցները հիմնավորել են՝ վկայակոչելով իրենց տնօրինման տակ առկա լուսանկարները, որոնք ստացվել են արբանյակներից, ռադիոորսման տվյալները ու նաև այն տեղեկությունները, որոնք զետեղված են տարբեր սոցիալական ցանցերում, հաղորդել Է ԻՏԱՌ-ՏԱՍՍ-ը:

 

Նույն շարքից