Քրեական գործ կա հարուցված, երբ կավարտվեն ստուգումները, մենք հանրությանը տեղյակ կպահենք: Այսօր՝ հուլիսի 9-ին, լրագրողների հետ հանդիպմանը հայտարարեց ՊԵԿ նախագահ Դավիթ Անանյանը՝ խոսելով «Առինջ մոլում» ստուգումների մասին:
Նույնը վերաբերում է նաև «Սպայկային». ««Սպայկայի» այսօրվա գործունեությանը և նախկինում կատարած գործողություններին քրեաիրավական գնահատական տալը տարանջատել ենք, որպեսզի չվնասենք այդ ընկերության բնականոն աշխատանքը: Բայց ստուգումները շարունակվում են: Այն տեղեկատվությունը, որը մենք դեռ պարբերաբար ստանում ենք, մշակվում է, և մենք հաշվարկներ ենք անում»:
