ՌԴ արտաքին գործերի նախարար Սերգեյ Լավրովը հայտարարել է, որ Ղրիմը Ռուսաստանի Դաշնության մի մասն է և այդ առնչությամբ չկան և չեն կարող ընթանալ բանակցություններ:
Ինչպես հաղորդում է ԻՏԱՌ-ՏԱՍՍ-ը, Լավրովը շեշտել է, որ Ղրիմի բնակչությունը մարտի 17-ին կայացրել է իր որոշումն ու այդ ուղղությամբ այլ հարցեր չկան: «Իմ պատասխանը հիմնվում է Ղրիմի բնակչության միանշանակ ցանկության և վճռի հիման վրա, որը կատարվել է մարտի 17-ին, և այդ առնչությամբ բոլոր որոշումներն արդեն ընդունված են»,- հայտարարել է Լավրովը:
