Լեռնային Ղարաբաղի հակամարտության կարգավորման նպատակով Հայաստանի և Ադրբեջանի նախագահների` Սոչիում կայացած հանդիպումը ոգևորել է Միացյալ Նահանգներին: «ԱՊԱ» գործակալությանը տված հարցազրույցում այս մասին ասել է ԵԱՀԿ Մինսկի խմբի ամերիկացի համանախագահ Ջեյմս Ուորլիքը:
Նա հատուկ գոհունակություն է արտահայտել, որ Հայաստանի և Ադրբեջանի նախագահներ Սերժ Սարգսյանն ու Իլհամ Ալիևը հաստատել են երկխոսության շարունակման և հակամարտության խաղաղ կարգավորման իրենց ապրտավորությունները: «Մենք հույս ունենք, որ շփման գծում իրավիճակը կկայունանա և կողմերը, դրսևորելով քաղաքական կամք, կհամագործակցեն ԵԱՀԿ Մինսկի խմբի համանախագահների հետ հակամարտության լուծման ուղիների որոնման գործում»,- ասել է ամերիկացի համանախագահը:
