ԱՄՆ նախագահ Բարաք Օբաման երկարատեւ դադարից հետո առաջին անգամ հեռախոսազրույց է ունեցել Թուրքիայի նախկին վարչապետ, նորընտիր նախագահ Ռեջեփ Թայիփ Էրդողանի հետ:
Թուրքական Hurriyet-ի փոխանցմամբ՝ ԱՄՆ նախագահ Բարաք Օբաման հեռախոսազրույցի ընթացքում շնորհավորել է Էրդողանին նախագահ դառնալու կապակցությամբ:
Օբաման նշել է, թե Էրդողանը պատմական հնարավորություն է ստացել Թուրքիան ավելի առաջ տանելու համար: Երկու նախագահները խոսել են նաեւ տարածաշրջանային խնդիրներից՝ Սիրիայի, Իրաքի եւ Գազայի հատվածի հետ կապված զարգացումներից:
