Միսուրի նահանգում բողոքի ակցիայի մասնակիցներին ցրելու համար ոստիկանությունը արցունքաբեր գազ է բաց թողել: 4 օր շարունակվող ակցիան չի դադարում սեւամորթ անչափահասի սպանությունից հետո: Այդ մասին հաղորդում է Lenta.ru-ն՝ վկայակոչելով France-Presse գործակալությանը:
Քաղաքի իշխանությունները ակցիայի անցկացումը թույլատրել են միայն ցերեկային ժամերին: Սակայն երեկոյան հարյուրավոր ցուցարարներ չեն ազատել կենտրոնական փողոցը՝ պահանջելով հաղորդել 18-ամյա Մայքլ Բրաունին սպանած մարդու անունը:
Ոստիկանությունը, սակայն, հրաժարվել է հաղորդել՝ իր աշխատակցի անվանգությունը ապահովելու նկատառումներով: Ֆերգյուսոնի բնակչության 70%-ը բաղկացած է աֆրոամերիկացիներից:
Մայքլ Բրաունը սպանվել է օգոստոսի 9-ին, Ֆերգյուսոն քաղաքի երթեւեկելի մասում: Ոստիկանների խոսքով՝ երիտասարդը մեքենայում ծագած վեճի արդյունքում մի քանի հրազենային վերք է ստացել: Սակայն ականատեսները վկայում են, որ Բրաունը զինված չի եղել եւ նրան սպանել են ձեռքերը վեր բարձրացնելու պահին:
