Վրաստանի վարչապետ Իրակլի Գարիբաշվիլին Միխայիլ Սահակաշվիլիի հայտարարությունը տիպիկ դիկտատորի հայտարաություն է անվանել:
Գարիբաշվիլին լրագրողներին հայտնել է, որ «մերսողի ծառայությունները չեն կարող դիտարկվել՝ որպես աշխարհում ընդունված նորմա»:
«Ես չեմ ցանկանում մեկնաբանել այնպիսի ոչ ադեկվատ հայտարարություններ, որոնք լսեցինք երեկ: Սահակաշվիլին շատ հուզված տեսք ուներ, եւ ես հիշեցի պատերազմի կադրերը. այն ժամանակ նա ավելի վախեցած էր, եւ երեկ այդ կադրերի յուրօրինակ կրկնություն տեղի ունեցավ: Ինչ վերաբերում է նրա այն հայտարարությանը, որ եթե որեւէ երկրում որեւէ պետական ղեկավար բնականէ համարում Սահակաշվիլիի արածը, ապա մենք չպետք է ժողովրդավարության պահանջներ ունենանք: Դա տիպիկ բռնապետի հայտարարություններ էին, այլապես ինչպե՞ս կարելի է սահմանված նորմա համարել մերսողի ծառայությունները եւ միլիոնների ծախսը: Դա բացառվում է», - հայտարարել է Գարիբաշվիլին:
«Ես՝ որպես շարքային քաղաքացի, ամաչում եմ, որ երկիրն այդպիսի խայտառակ նախագահ է ունեցել, որը շքեղության վրա է ծախսել ժողովրդի գրպանի փողերը: Ինչպե՞ս կարող է մարդ այլ կերպ արձագանքել: Իսկ նրանք ելույթ են ունենում եւ համարձակվում թոզ փչել մարդկանց աչքերին, ասել, որ դա ողջ աշխարհում ընդունված կարգ է », - նշել է վարչապետը, փոխանցում է «Գրռուզիա Online»-ը:
Նախօրեին Վրաստանի նախկին նախագահ Միխայիլ Սահակաշվիլին «Ռուսթավի 2» հեռուստաալիքի եթերում մեկնաբանել է իրեն ներկայացված մեղադրանքները՝ պետբյուջեի միջոցները վատնելու վերաբերյալ:
