Հալեպի հայաշատ Նոր գյուղ թաղամասում երեկ հետմիջօրեին դարձյալ պայթյուններ են գրանցվել։
Ինչպես տեղեկացնում է Հալեպի «Գանձասար» շաբաթաթերթի ֆեյսբուքյան էջը, զինյալ խմբավորումները գազի բալոնով պատրաստված երկու ինքնաշեն հրթիռ են արձակել թաղամասի ուղղությամբ։
Բարեբախտաբար մարդկային կորուստներ չեն գրանցվել, և վնասները նյութական են։
Հիշեցնենք, որ Հալեպի հայաշատ թաղամասում հրթիռ էր պայթել նաև անցյալ շաբաթ, ինչի հետևանքով զոհվել էր 3 հայ։
