Ամերիկյան անօդաչուները Իրաքի հյուսիում գտնվող Սինջար քաղաքից ոչ հեռու երկու զրահամեքենա են ոչնչացրել, հայտարարել է ԱՄՆ-ի պաշտպանության նախարարությունը:
Գործողությունը հետեւել է «Իսլամական պետություն» ծայրահեղական խմբավորման զինյալների կողմից Քավջու գյուղի խաղաղ բնակիչների վրա հարձակման մասին տեղեկատվությանը, ասվում է Պենտագոնի հայտարարության մեջ, հաղորդում է BBC-ի ռուսական ծառայությունը:
Ավելի վաղ, Քուրդիստանի իշխանությունները հաղորդել էին, որ «Իսլամական պետության» ջիհադիստները երկրի հյուսում գտնվող գյուղերից մեկում 80 եզդի են սպանել:
Նրանց խոսքով՝ զինյալները առեւանգել են կանանց եւ երեխաների:
Իրաքյան զորքերը նույնպես շարունակում են ավիահարվածներ հասցնել սուննի գրոհայինների ուղղությամբ: Վերջին գործողություններից մեկի արդյունքում, սուննի ապստամբների խոսքով, 11 խաղաղ բնակիչ է զոհվել, որոնցից շատերը երեխաներ են:
