Դոնբասում իրավապահների շարքերից հեռացվել են մեկուկես հազար իրավապահներ՝ Ուկրաինային տրված երդումը դրժելու համար: Այդ մասին ճեպազրույցի ժամանակ հայտնել է ներքին գործերի նախարարի խորհրդական Անտոն Գերաշչենկոն, փոխանցում է ՈՒՆՆ-ն:
Ըստ նրա՝ ներկայումս Դոնբասում աշխատանքից հեռացրել են 1 490 իրավապահի՝ Ուկրաինայի ժողովրդին տրված հավատարմության երդումը դրժելու համար: 1227 իրավապահ էլ ներքին գործերից հեռացել են սեփական ցանկությամբ:
«Սկսվել է 40 դատական վարույթ Դոնեցկի եւ Լուգանսկի պաշտպանության զորքերի աշխատակիցների նկատմամբ՝ տարբեր հանցագործություններ կատարելու համար», - ասել է Գերաշչենկոն:
