Պոլսո հայոց պատրիարքական ընդհանուր փոխանորդ, արք. Արամ Աթեշյանը օգոստոսի 19-ի երեկոյան Թուրքիայի նախագահական պալատում մասնակցել է Աբդուլլահ Գյուլի հրաժեշտի ընդունելությանը։
Ինչպես հայտնում է Պոլսո հայոց պատրիարքությունը, Արամ Աթեշյանը հայր Շիրվան Մուրզյանի ուղեկցությամբ մեկնել է Անկարա, որտեղ մասնակցել է նախագահի պաշտոնը օրեր անց լքել պատրաստվող Աբդուլլահ Գյուլի հրաժեշտի ընդունելությանը։
Արք. Արամ Աթեշյանը ընդունելության ժամանակ Աբդուլլահ Գյուլին առաջիկա ծրագրերի համար հաջողություններ է մաղթել։
Հիշեցնենք, որ Թուրքիայում օգոստոսի 10-ին կայացած նախագահական ընտրություններում հաղթանակ էր տարել երկրի նախկին վարչապետ Ռեջեփ Թայիփ Էրդողանը: Նախագահի պարտականությունները նա պաշտոնապես կստանձնի գոստոսի 27-ից:
