Վլադիմիր Պուտինն ու Պյոտր Պորոշենկոն հանդիպում կունենան Մինսկում: Դա մեծ քայլ է համարվում Ուկրաինայում հակամարտության կարգավորման համար, սակայն նաև կոչեր են հնչում առաջընթաց չսպասել:
Ուկրաինական ճգնաժամի քաղաքական կարգավորման հույս ունեն բոլորը: Այդ մասին, մասնավորապես, գերմանական ARD հեռուստաալիքին հայտարարել է Գերմանիայի կանցլեր Անգելա Մերկելը:
Վլադիմիր Պուտինը և Պյոտր Պորոշենկոն արդեն անձամբ հանդիպել են, սակայն սահմանափակվել են 15-րոպեանոց շփմամբ: Դրանից հետո նրանք զրուցել են միայն հեռախոսով: Կրեմլի մամլո ծառայությունը տեղեկություններ է հաղորդել մի շարք երկկողմ հանդիպումների վերաբերյալ՝ չնշելով Պուտինի և Պորոշենկոյի հանդիպման մասին:
