Վրաստանն Ուկրաինային օգնություն կցուցաբերի ռազմական գործողությունների հետևանքով վիրավորների բուժման հարցում: Այդ մասին հաղորդում է gazeta.ru-ի թղթակիցը Թբիլիսիում:
Վրաստանի առողջապահության նախարարությունից հայտնել են, որ անհրաժեշտ օգնության մասշտաբները որոշելու համար օգոստոսի 27-ին Կիև կմեկնի նախարարության մասնագետների խումբը:
Ուկրաինա Վրաստանից կգործուղվեն բժիշկներ, կուղարկվի բուժօգնություն, ինչպես նաև անհրաժեշտության դեպքում հիվանդներին կտեղափոխեն Վրաստան՝ բուժման:
Նշվում է, որ Վրաստանի վարչապետ Իրակլի Ղարիբաշվիլին կառավարության նիստի ժամանակ կոչ է արել կառավարության անդամներին «ուկրաինացի գործընկերներին առավելագույն օգնություն ցուցաբերել»: