Կանադայի խորհրդարանի նախկին պատգամավոր Ջիմ Կարիգիաննիսը անկախության տոնի առթիվ շնորհավորել է Լեռնային Ղարաբաղի ժողովրդին:
Շնորհավորական ուղերձում, մասնավորապես, նշվում է.
«Ես կցանկանայի օգտվել այս հնարավորությունից եւ լավագույն ցանկություններս հայտնել Կանադային հայ համանքի անդամներին եւ Լեռնային Ղարաբաղի (Արցախ) ժողովրդին Լեռնային Ղարաբաղի (Արցախ) անկախության օրվա կապակցությամբ:
1991թ. դեկտեմբերի 10-ին, Խորհրդային Միության պաշտոնական փլուզումից մի քանի օր առաջ Լեռնային Ղարաբաղում անկախության հանրաքվե անցկացվեց: Արցախի բնակչության մեծամասնությունը քվեարկեց անկախության օգտին:
Արցախի ժողովուրդը սեպտեմբերի 2-ը համարում է Լեռնային Ղարաբաղի Հանրապետության հռչակման օր: Այդ օրը պետական տոն է:
Լեռնային Ղարաբաղի Հանրապետությունը դե ֆակտո անկախ, ժողովրդավարական եւ լիովին գործառող պետություն է՝ բարգավաճող շուկայական տնտեսությամբ եւ դինամիկ զարգացող քաղաքացիական հասարակությամբ, որը ձգտում է իր ազատությունների ամրապնդմանն ու իր անկախության պաշտոնական ճանաչմանը:
Այդ տարածքը նախկինի պես հակամարտության գոտի է: 2014թ. ամռանը ադրբեջանա-ղարաբաղյան սահմանին ծագած մահացու ընդհանրումները երիտասարդ հայերի եւ ադրբեջանցիների կյանքեր խլեցին: ԵԱՀԿ Մինսկի խմբի կողմից մինչ օրս չի հաջողվել գտնել հակամարտության խաղաղ կարգավորման ուղիներ, իսկ ժամանակավոր, թեեւ շատ փխրուն հրադադարը, կողմերի համար ավելի էական ու երկարաժամկետ խաղաղ կարգավորումը մշտապես ձգձգելու պայմաններ է ստեղծել: Ես կարծում եմ, որ ժամանակն է, որպեսզի միջազգային հանրությունը երկու կողմերին կոչ անի վերադառնալ բանակցությունների սեղանի շուրջ եւ լուծում գտնել: Միջազգային հանրությունը նաեւ պետք է պատասխանատվության կոչ անի Ադրբեջանին խաղաղ բանակցությունների վերջին խափանումների համար:
2012թ. հուլիսին Լեռնային Ղարաբաղի Հանրապետությունում նախագահական ընտրությունների ժամանակ ես գլխավորել եմ կանադական դիտորդական թիմը: Դրանք սկբից մինչեւ վերջ կատարյալ ընտրություններ էին: Ես նաեւ հանդիպել եմ կառավարության ներկայացուցիչների, Լեռնային Ղարաբաղի բնակիչների, կանադական սփյուռքի անդամների հետ, որոնք այցով գտվում էին Ղարաբաղում եւ ավելի լավ էին տեղեկացված Արցախի առջեւ կանգնած խնդիրներին»:
