Alibaba-ին պատկանող MYbank ինտերնետ-բանկը պատրաստվում է հեղափոխություն իրականացնել փոքր բիզնեսի վարկավորման շուկայում: Այս մասին գրում է Bloomberg-ը:
Փոքր ընկերությունները, որոնք Չինաստանում գեներացնում են տնտեսական աճի մոտ 60 տոկոսը և ապահովում են աշխատատեղերի 80 տոկոսը, լուրջ տուժել են ստվերային վարկերի դեմ պայքարի արդյունքում:
Համաձայն Չինաստանի ֆինանսների և ռեսուրսների ազգային ինստիտուտի տվյալների, 20018 թվականին փոքր բիզնեսի 2/3 մասին վարկերն անհասանելի են եղել:
MYbank-ը հնարավորություն է տալիս վարկ ստանալու համար հայտ ներկայացնել սմարթֆոնով և հաստատման դեպքում ակնթարթորեն «քեշ» փող ստանալ: Ամբողջ գործընթացը տևում է 3 րոպե: Այս ճանապարհով MYbank-ն արդեն 16 միլիոն ընկերության վարկ է տրամադրել՝ 290 միլիարդ դոլարի չափով:
Bloomberg-ը գրում է, որ վարկ տրամադրող մյուս ընկերությունները ևս ընդլայնում են իրենց վարկային առաջարկները, ինչը թույլ կտա նոր թափ հաղորդել չինական տնտեսության զարգացմանը: