Ուկրաինայի արեւելքում հակամարտող ուժերի միջեւ հրադադարը այս տարածաշրջանում լիակատար եւ անշրջելի խաղաղության հաստատման հույս է ներշնչում, ասված է Բելառուսի նախագահ Ալեքսանդր Լուկաշենկոյի հայտարարությունում:
«Բելառուսում ողջունում են 2014թ. սեպտեմբերի 5 –ին ստորագրված հրադադարի մասին արձանագրությունը: Այս երկար սպասված նորությունը թեկուզ փխրուն, բայց այնուամենայնիվ հույս է ներշնչում այս տարածաշրջանում լիակատար եւ անշրջելի խաղաղության հաստատման», - նշված է հայտարարությունում:
Բելառուսի առաջնորդի խոսքով՝ Ուկրաինայի հակամարտությունը սպառնալիքի տակ էր դնում ոչ միայն տարածաշրջանային, այլեւ միջազգային անվտանգությունը:
Լուկաշենկոն ընդգծել է արձանագրության ստորագրման գործում Ռուսաստանի եւ Ուկրաինայի նախագահների դերակատարությունը՝ նշելով նրանց նախաձեռնությունների եւ առաջարկների կարեւորությունը: Ըստ նրա՝ ՄՄ-Ուկրաինա-ԵՄ շփման ձեւաչափը թույլ տվեց բանակցային գործընթացում ներգրավել Ուկրաինայում եւ Եվրոպայում խաղաղության հաստատման հարցում իսկապես շահագրգռված կողմերին, հայտնում է «ՌԻԱ Նովոստին»:
