Թուրքիայի նախագահ Ռեջեփ Թայիփ Էրդողանն ասել է, որ երկիրը բանակցում է Ֆրանսիայի հետ մեծ հեռահարության հրթիռային համակարգերի ձեռքբերման հարցով: Այս մասին հայտնում է Reuters-ը:
Սա տեղի է ունեցել այն բանից հետո, երբ նույն հարցով Թուրքիա - Չինաստան բանակցությունները տապալվել են:
Ֆրանս-իտալական Eurosam կոնցեռնի համապատասխան առաջարկը Թուրքիային արժե 3.4 մլրդ ԱՄՆ դոլար:
Ավելի վաղ ԱՄՆ-ն և ՆԱՏՕ-ն Անկարային նախազգուշացրել էին, որ չինական համակարգերը կարող են անմրցունակ դարձնել Թուրքիայի պաշտպանությունը:
Դեռ մայիսին Reuters-ին հայտնի էր դարձել, որ Չինաստանը չի համապատասխանել հայտարարված տենդերի պայմաններին:
