Ուկրաինայի նախագահ Պյոտր Պորոշենկոն սեպտեմբերի 16-ին Գերագույն ռադա կներկայացնի ԵՄ-ի հետ ասոցացման համաձայնագիրը: Ուկրաինայի խորհրդարանի մամուլի ծառայությունը հայտնում է, որ այդ մասին տեղեկացրել է Գերագույն ռադայի նախագահ Ալեքսանդր Տուրչինովը:
«Որքան գիտեմ, սեպտեմբերի 16-ին նախագահը ԵՄ-ի հետ ասոցացման համաձայնագիրը ներկայացնելու է Գերագույն ռադայի վավերացմանը»,- ասել է Տուրչինովը:
Ըստ նրա՝ վավերացման հետ կապված ուշացումներ չեն լինի:
«Նախագահ Պորոշենկոն հստակեցրեց, որ Եվրախորհրդարանի հետ պայմանավորվել է համաժամանակյա վավերացման մասին: Ցանկացած դեպքում, վավերացումն ավելի ձգձգելու իրավունք չունենք»,- ընդգծել է Տուրչինովը:
