Ջակարտայում Ինդոնեզիայի նորընտիր նախագահ Ջոկո Վիդոդոն (Ջոկովի) սեպտեմբերի 10-ին ընդունել է Ինդոնեզիայում ՀՀ դեսպան Աննա Աղաջանյանին: Դեսպան Աղաջանյանը նախագահին է փոխանցել ՀՀ նախագահ Սերժ Սարգսյանի շնորհավորական ուղերձը Ինդոնեզիայի նախագահ ընտրվելու կապակցությամբ:
Զրույցի ընթացքում քննարկվել են հայ-ինդոնեզական հարաբերությունները և տարբեր ասպարեզներում երկկողմ համագործակցության զարգացման հեռանկարները, ինչպես նաև մարդկանց միջև շփումների ակտիվացման կարևորությունը:
Երկուստեք ընդգծվել է, որ հարկավոր է քայլեր ձեռնարկել բարձրաստիճան փոխայցելությունների խթանման համար:
Նախագահ Ջոկովին խնդրել է Հայաստանի նախագահին փոխանցել իր ջերմ ողջույններն ու բարեմաղթանքները:
