Ադրբեջանի նախագահ Իլհամ Ալիևն ընդունել է Թուրքիայի պաշտպանության նախարար Իսմեթ Յըլմազի ղեկավարած պատվիրակությանը: Այս մասին տեղեկացնում է ադրբեջանական «ԱՊԱ» գործակալությունը:
Հանդիպման ընթացքում կողմերը համոզմունք են հայտնել, որ երկու երկրների միջև կշարունակվեն եղբայրական ու բարեկամական հարաբերությունները տարբեր ոլորտներում, այդ թվում և ռազմական ու ռազմատեխնիկական: Ալիևն ու Յըլմազը խոսել են Ադրբեջանի և Թուրքիայի` համատեղ զորավարժություններ իրականացնելու կարևորության մասին:
