Չինաստանն ու Ռուսաստանը մտադիր են Ճապոնական ծովի ռուսական ափերին կառուցել հյուսիսային Ասիայի ամենամեծ նավահանգիստներից մեկը` ի նշան գերտերությունների աճող դաշինքի:
Ինչպես գրում է Business Insider-ը` չինական պետական աղբյուրին հղումով, նավահանգստում կկարողանան տարեկան մոտ 60 մլն տոննա բեռ տեղավորել, որը, ըստ Եվրահանձնաժողովի վիճակագրության, կարող է համեմատվել Բրիտանիայի ամենաաշխույժ «Իմմինգհեմ» նավահանգստի կամ Ֆրանսիայի «Լե Հավրի» հետ:
Նոր նավահանգիստը կտեղակայվի արևելյան Ռուսաստանում` Չինաստանի սահմանից 18 կմ հեռավորության վրա: Տարածաշրջանը նաև բավականին մոտ է Հյուսիսային Կորեային:
Չին և ռուս առաջնորդները նավահանգստի կառուցման մասին գործարքը կնքել են մայիսին՝ Շանհայում կայացած «Ասիայի համագործակցության եւ վստահության միջոցների խորհրդակցություն» կոնֆերանսի ժամանակ: