ԱՄՆ-ի եւ Կանադայի իշխանությունները «Ուկրաինայի իրադարձությունների պատճառով» չեղյալ են հայտարարել Ռուսաստանի հետ համատեղ «Զգոն արծիվ» զորավարժությունները: Այդ մասին Fairbanks Daily News-Miner ամերիկյան թերթին հայտնել է Հյուսիսային Ամերիկայի օդատիեզերական պաշտպանության միացյալ հրամանատարության (NORAD) ներկայացուցիչ Չարլզ Մարշը:
Նրա խոսքով՝ վարժանքները չեղարկելու որոշումն ընդունվել է ԱՄՆ-ի պաշտպանության նախարարության ղեկավարության եւ Կանադայի վարչապետ Սթիվեն Հարպերի կողմից:
Ռուս-ամերիկա-կանադական «Զգոն արծիվ» ամենամյա զորավարժություններն անցկացվում են 2006 թվականից, հաղորդել է ԻՏԱՌ-ՏԱՍՍ-ը:
