Ղրիմի ժամանակավոր ղեկավար Սերգեյ Ակսյոնովը կարծում է, որ ԵՄ երկրները պետք է ճանաչեն Ղրիմի հանրաքվեն, եթե հայտարարեն Շոտլանդիայի հանրաքվեի օրինականության մասին:
«Շոտլանդիայի հանրաքվեն ճանաչելը կնշանակի, որ Ղրիմն էլ պետք է ավտոմատ ճանաչվի նրանց կողմից՝ առանց որևէ հարցի և առանց կասկածի», - հայտարարել է Ակսյոնովը:
Ըստ նրա՝ Շոտլանդիայում հանրաքվեի վերաբերյալ ԵՄ դիրքորոշումը ակնհայտ ցույց կտա, թե որքան հեռուն են գնացել եվրոպացի գործիչները կրկնակի ստանդարտների իրենց քաղաքականությունում:
«Մեզ դրա համար փորձում են հրապարակավ ստորացնել, վիրավորել, փակել բիզնեսով զբաղվելու մեր հնարավորությունը, այդ պատճառով էլ ցանկանում եմ տեսնել, թե ինչպիսին կլինի նրանց արձագանքը սեփական քաղաքացիների նկատմամբ, որոնց տարածքում տեղի է ունենում Ղրիմի իրադարձություններին նման իրավիճակ», - ասել է Ակսյոնովը:
