13-ամյա քենյացի տղան, որը որոնվում էր նաև «Ռոմայի»՝ Հենրիխ Մխիթարյանի հետ պայմանագիր կնքելու վերաբերյալ տեսանյութի հրապարակման ժամանակ, հայտնաբերվել է․ նրա հետ ամեն ինչ կարգին է, երեխան արդեն վերամիավորվել է ընտանիքի հետ։ Այս մասին տեղեկացնում է իտալական ակումբի թվիթերյան էջը, փոխանցում է armsport-ը:
Նշվում է, որ երեխան հայտնաբերվել է Մխիթարյանի նորամուտի խաղի օրը, երբ հռոմեացիները հաղթեցին «Սասուոլոյին», իսկ Հենրիխը դարձավ գոլի հեղինակ։
Ակումբը հուլիս ամսից միացել էր Missing Child Kenya էջին՝ օգնելով տեղեկացված լինել Քենյայում կորած երեխաների վերաբերյալ դեպքերից։
