Այսօր Փարիզում կկայանա «Իսլամական պետություն» ահաբեկչական խմբավորման դեմ պայքարելուն ուղղված հանդիպում ավելի քան 30 երկրներից ժամանած ներկայացուցիչների և Իրաքի պաշտոնյաների հետ, գրում է Al-Arabiya-ն, Reuters-ին հղումով:
Ֆրանսիայի նախագահ Ֆրանսուա Օլանդը և Իրաքի նախագահը վարելու են հանդիպումը, որի մասնակիցների ցուցակում են նաև ՄԱԿ-ը, Եվրամիությունը և Արաբական Լիգան: Օլանդը նշել է, որ այս հանդիպման նպատակներն են Իրաքի կառավարությանը ապահովել քաղաքական աջակցություն և մարդասիրական օգնություն, ինչպես նաև աջակցել «Իսլամական պետություն» խմբավորման զինյալների հետ պայքարել:
