Եմենում շիա ապստամբները համաձայնել են դադարեցնել բախումները կառավարական ուժերի հետ: Ինչպես հաղորդում են արաբական լրատվամիջոցները, ապստամբների ղեկավար Աբդ ալ Մելիք ալ Հուին իր երկու ներկայացուցիչներին հորդորել է ստորագրել համաձայնագիր կրակը դադարեցնելու վերաբերյալ:
Մայրաքաղաք Սանայի մերձակայքում արդեն մի քանի օր է` թեժ մարտեր են ընթանում շիա ապստամբների և կառավարական ուժերի միջև: Սեպտեմբերի 18-ին ապստամբներին հաջողվել էր մտել մայրաքաղաք:
Վերջին մի քանի օրերի ընթացքում սպանվել են 45 ապստամբներ և կառավարական ուժերի15 անդամներ:
Եմենում ստեղծված լարված իրավիճակի պատճառով արտասահմանյան, նաև արաբական ավիաընկերությունները 24 ժամով դադարեցրել են չվերթները մայրաքաղաք Սանա: Նշված ժամկետը, սակայն, կարող է երկարաձգվել:
