Միացյալ Նահանգները 71 միլիոն դոլարի մարդասիրական օգնություն կտրամադրի Գազաի հատվածում պաղեստինցիներին: Այդ մասին ասված է ԱՄՆ պետքարտուսղար Ջոն Քերիի երկուշաբթի տարածված հայտարարության մեջ, հաղորդում է ИТАР-ТАСС-ը:
Հայտարարությունում նշվում է, որ այժմ 58 հազարից ավելի մարդ թաքնվում է ՄԱԿ-ի տրամադրած թաքստոցներում:
Հաղորդագրությունում ընդգծվում է, որ տրամադրվող գումարից 59 միլիոն դոլարը պետք է գնան ՄԱԿ-ի առաքելությանը, որն ուղղված է պաղեստինցիների օգնությանը, իսկ 12 միլիոն դոլարը նախատեսված է մասնավորապես ԱՄՆ Զարգացման միջազգային գործակալության համար:
Այդ միջոցները կգնան պաղեստինցիներին ջրով, վրաններով, սննդամթերքով և դեղորայքով ապահովելու վրա:
Հուլիսի վերջին Ջոն Քերին հայտնել էր Գազայի հատվածի բնակիչներին 47 միլիոն դոլար տրամադրելու մասին, այդկերպ ընդհանուր գումարը, որ ԱՄՆ-ն կծախսի պաղեստինցիներին մարդասիրական օգնության համար, կկազմի 118 միլիոն դոլար:
