Չեմպիոնների լիգայի հերթական տուրի շրջանակներում «Բարսելոնան» հանդիպելու է «Սլավիայի» հետ:
«Ես անհամբերությամբ սպասում եմ «Բարսելոնայի» դեմ խաղին: Մանկուց նրանց համարում եմ լավագույնը, դրա համար անհամբեր եմ սպասում հանդիպմանը»,-այս մասին հայտարարել է «Սլավիայի» պաշտպան Վլադիմիր Ցոուֆալը՝ հավելելով, որ կցանկանար հարձակողական ֆուտբոլ խաղալ կատալոնացիների դեմ:
Չեխական ակումբի գլխավոր մարզիչ Ինդրժիխ Տրպիշովսկին իր հերթին խոսել է այն մասին, թե ում է բաժին հասնելու Մեսսի շապիկը:
«Ինքս եմ վերցնելու Մեսսիի շապիկը, որպեսզի ֆուտբոլիստների միջև վիճաբանություն չլինի»,-ասել է նա:
