Լրագրողների հետ զրույցում ՀԾԿՀ ղեկավար Գարեգին Բաղրամյանը, խոսելով մինչև տարվա վերջ գազի գնի թանկացման մասին, հայտարարել է, որ դա կախված է նրանից, թե ինչ պայմանավորվածություններ կլինեն Հայաստանի և Ռուսաստանի միջև:
«Մենք այսօր բանակցում ենք ավելի երկարաժամկետ գնային քաղաքականություն ունենալու համար: Եթե ուղղակի պետք է գնանք մեկ տարվա կամ սակագնի վերանայման, դա պետք է լինի հայտի ուսումնասիրության արդյունքում: Ու քանի որ արդեն նոյեմբեր ամիսն է, հունվարին նոր գին չենք կարող ունենալ»:
Հարցին, թե երկարաժամկետ ասելով ինչ ժամկետի մասին է խոսքը, Բաղրամյանը նշել է՝ 5-10 տարի:
