Տնտեսություն 

Տիգրան Ավինյանի գլխավորությամբ պատվիրակություն կմեկնի Չինաստան

ՀՀ վարչապետ Նիկոլ Փաշինյանը փոխվարչապետ Տիգրան Ավինյանի գլխավորությամբ Չինաստան պատվիրակություն գործուղելու մասին որոշում է ստորագրել.

Համաձայն «Կառավարության կառուցվածքի և գործունեության մասին» Հայաստանի Հանրապետության օրենքի 7-րդ հոդվածի 5-րդ մասի՝

1. Շանհայում կայանալիք Չինաստանի միջազգային ներմուծման ցուցահանդեսին մասնակցելու և Պեկինում գործարար համայնքի հետ հանդիպումներ ունենալու նպատակով 2019 թվականի նոյեմբերի 3-5-ը Շանհայ (Չինաստանի Ժողովրդական Հանրապետություն), իսկ նոյեմբերի 5-7-ը՝ Պեկին (Չինաստանի Ժողովրդական Հանրապետություն) գործուղել պատվիրակություն՝ համաձայն հավելվածի:

2. Պատվիրակության` Չիանաստանի Ժողովրդական Հանրապետություն (Շանհայ, Պեկին) գործուղման հետ կապված ծախսերը կատարել՝

1) Տիգրան Ավինյանինը՝ Շանհայ-Պեկին ճանապարհածախսի, օրապահիկի և Պեկինում գիշերավարձի հետ կապված ծախսերը՝ համաձայն փաստացի կատարված ծախսերը հիմնավորող փաստաթղթերի, Հայաստանի Հանրապետության վարչապետի աշխատակազմի պահպանման ծախսերում արտասահմանյան գործուղումների համար նախատեսված միջոցների հաշվին, իսկ հուշանվերների ձեռքբերման հետ կապված ծախսերը՝ Հայաստանի Հանրապետության վարչապետի աշխատակազմի պահպանման ծախսերում ներկայացուցչական ծախսերի համար նախատեսված միջոցների հաշվին.

2) Ավետ Ադոնցինը՝ Շանհայ-Պեկին ճանապարհածախսի, օրապահիկի և Պեկինում գիշերավարձի հետ կապված ծախսերը՝ Հայաստանի Հանրապետության արտաքին գործերի նախարարության միջոցների հաշվին.
3) Վարոս Սիմոնյանինը՝ Շանհայ-Պեկին ճանապարհածախսի, օրապահիկի և Պեկինում գիշերավարձի հետ կապված ծախսերը, իսկ Արմեն Եգանյանինը՝ գործուղման ծախսերը՝ Հայաստանի Հանրապետության 2019 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին.

4) Վիկտորյա Այդինյանինը՝ Շանհայ-Պեկին ճանապարհածախսը, օրապահիկի և գիշերավարձի հետ կապված ծախսերը՝ Հայաստանի Հանրապետության վարչապետի աշխատակազմի պահպանման ծախսերում արտասահմանյան գործուղումների համար նախատեսված միջոցների հաշվին:

3.Ընդունել ի գիտություն, որ Տիգրան Ավինյանի, Ավետ Ադոնցի և Վարոս Սիմոնյանի՝ Երևան-Շանհայ և Պեկին-Երևան ուղղությամբ ճանապարհածախսը և Շանհայում գիշերավարձի հետ կապված ծախսերը, իսկ Վիկտորյա Այդինյանի՝ Երևան-Շանհայ և Պեկին-Երևան ուղղությամբ ճանապարհածախսը կատարվելու են հրավիրող կողմի հաշվին:
4.Հայաստանի Հանրապետության փոխվարչապետ Տիգրան Ավինյանին՝ ապահովել պատվիրակության՝ Չինաստանի Ժողովրդական Հանրապետություն գործուղման արդյունքների մասին հաշվետվությունը Հայաստանի Հանրապետության վարչապետի աշխատակազմ ներկայացնելը:

Հավելված

  •  
  •  
  •  
  • 1
  •  
  •  
  •  
  •  
  •  
    1
    Share

Նույն շարքից