Վրաստանի վարչապետ Իրակլի Ղարիբաշվիլին Նյու Յորքում հանդիպել է ԱՄՆ նախագահի հետ։ Այդ մասին հայտարարել է Վրաստանի արտգործնախարար Մայա Փանջիկիձեն, փոխանցում է apsny.ge-ն։
Դիվանագետի խոսքով՝ Ղարիբաշվիլին ներկա է եղել ԱՄՆ նախագահ Բարաք Օբամայի և նրա կնոջ՝ Միշելի անունից կազմակերպված ընդունելությանը, որտեղ էլ հնարավորություն է ունեցել զրուցելու ԱՄՆ նախագահի հետ։
Նրա խոսքով՝ դա յուրահատուկ հանդիպում է եղել, որին մասնակցել են ավելի քան 200 երկրների պատվիրակություններ։
«Այսինքն՝ դա չի եղել երկկողմ հանդիպում, սակայն վարչապետը հնարավորություն է ունեցել զրուցելու ԱՄՆ նախագահի հետ»,- նշել է Փանջիկիձեն։
Ինչ վերաբերում է նրանց զրույցի թեմային, ապա, նախարարի խոսքով, Ղարիբաշվիլին և Օբաման խոսել են ընդհանուր թեմաների և Վրաստանում ընթացող գործընթացների շուրջ։
