Իրանի արտաքին գործերի փոխնախարար Աբաս Արաքչին հայտարարել Է, որ իրանական միջուկային հարցի շուրջ Թեհրանի եւ միջազգային միջնորդների «վեցյակի» ներկայացուցիչների միջեւ բանակցությունները Եվրոպայում կվերսկսվեն երկու շաբաթից, տեղեկացնում Է Kyodo գործակալությանը:
Ինչպես Արաքչին հայտարարել Է գործակալությանը տված հարցազրույցում, որը հրապարակվել Է սեպտեմբերի 29-ին, բանակցորդների միջեւ դեռեւս «տարաձանյություններ են մնում մի շարք կարեւոր հարցերի շուրջ»: «Մենք հնարավորություն ունեինք առավել մեծ փոխըմբռնման հասնելու կառուցողական մթնոլորտում, բայց տարաձայնություններ կան կարեւոր հարցերում»,- նշել Է Իրանի նա:
2013 թվականի նոյեմբերին Ժնեւում Իրանը եւ միջազգային միջնորդների «վեցյակը» (Ռուսաստան, ԱՄՆ, Մեծ Բրիտանիա, Ֆրանսիա, Չինաստան եւ Գերմանիա) պայմանավորվել Էին մինչեւ հուլիսի 20-ը համաձայնեցնել փաստաթուղթ, որը կերաշխավորի Իրանի միջուկային ծրագրի բացառապես խաղաղ բնույթը, ինչի փոխարեն չեղյալ կհայտարարվեն հանրապետության դեմ սահմանված պատժամիջոցները: Այնուհետեւ ժամկետը երկարացվել Է մինչեւ նոյեմբեր:
Սեպտեմբերի 18-26-ին Նյու Յորքում Իրանի եւ «վեցյակի» բանակցությունների հերթական փուլից հետո չի հաջողվել բեկման հասնել ապագա համաձայնագրի հանգուցային հարցերում: Մոսկվան այն կարծիքին Է, որ բանակցություններում հաջողվել Է առաջընթացի հասնել իրանական խնդրի հանգուցալուծումներ զանազան տարբերակներ մշակելու գործում, սեպտեմբերի 27-ին հայտնել Է ՌԴ-ի ԱԳ նախարարությունը:
Ավելի վաղ Իրանի նախագահը հույս Է հայտնել, որ համաձայնությունը կարող Է ձեռք բերվել սահմանված ժամկետում՝ մինչեւ նոյեմբերի 24-ը, եւ հայտարարել Է, որ Իրանը կշարունակի զարգացնել խաղաղ միջուկային ծրագիրը, ներառյալ ուրանի հարստացումը՝ միջազգային իրավունքին համապատասխան, հաղորդել Է ՌԻԱ Նովոստին:
