Ուկրաինայի խորհրդարանը գրանցել է «Անկախ պետությունների համագործակցության ստեղծման մասին համաձայնագրի գործողությունը դադարեցնելու մասին» օրենքի նախագիծը, հաղորդում է gazeta.ru-ն:
Օրենքի նախագծի նախաձեռնողներն են «Սվոբոդա» կուսակցության պատգամավորներ Ալեքսեյ Կայդան և Ալեքսանդր Միրնին:
Ավելի վաղ Ուկրաինան պաշտոնապես հայտարարել էր ԱՊՀ-ից դուրս գալու ցանկության մասին, համապատասխան օրենքի նախագիծը դրվել է Գերագույն ռադայի քննարկմանը:
Խորհրդարանում գրանցվել է նաև «Ռուսաստանի Դաշնության նկատմամբ սեփականության հայելային պատժամիջոցների մասին» օրենքի նախագիծը:
