Ճապոնիայի կառավարությունը համաձայնել է Վրաստանին Ջորջիա անվանել բոլոր պաշտոնական փաստաթղթերում: Այս մասին հաղորդում է ճապոնական NHK հեռուստաալիքը` վկայակոչելով կառավարական աղբյուրներին:
Վրաստանին Ջորջիա են անվանում աշխարհի շատ երկրներում, սակայն Ճապոնիան չէր ցանկանում այդպես անվանել, քանի որ, ըստ նրա, այն կարելի է շփոթել ԱՄՆ համանուն նահանգի հետ:
Նշվում է, որ Թբիլիսին մի քանի անգամ Ճապոնիային խնդրել է ռուսական Գրուզիայի փոխարեն իր երկիրը Ջորջիա անվանել:
