Թուրքիան ի վիճակի է Սիրիայից «Իսլամական պետություն» ահաբեկչական խմբավորման գրոհայինների ներխուժման հնարավոր փորձը կանխել առանց ՆԱՏՕ-ի օգնության:
Այդ կարծիքն է լրագրողներին հայտնել Եվրոպայում ԱՄՆ ցամաքային զորքերի հրամանատարի տեղակալ գեներալ-մայոր Ուոլթեր Պայատը, հաղորդում է ТАСС-ը:
Նրա խոսքով՝ Թուրքիայի բանակը և անվտանգության ուժերը գտնվում են «այնպիսի վիճակում, որ եթե «Իսլամական պետության» սովորական ուժերը ներխուժեն Սիրիայից, նրանք պարտության կմատնվեն»:
Պայատը հավելել է, որ այդ գնահատականն է տվել նաև Անկարան: «Թուրքերը մեզ չեն խնդրել ակտիվ հսկողություն իրականացնել Սիրիայի հետ սահմանին»,- պատմել է գեներալը: