Հոկտեմբերի 17-ին Լիտվայում ՀՀ դեսպան Արա Այվազյանը հանդիպել է Լիտվայի ազգային պաշտպանության նախարար Յուոզաս Օլեկասի հետ:
Ինչպես հայտնում են ՀՀ արտգործնախարարությունից՝ հանդիպման ընթացքում անդրադարձ է կատարվել Հայաստանի և Լիտվայի միջև բարեկամական հարաբերություններին: Զրուցակիցները գոհունակություն են հայտնել երկու երկրների պաշտպանության նախարարությունների միջև առկա գործակցության ակտիվացման կապակցությամբ և կարևորել միջգերատեսչական շարունակական համագործակցության խորացումը, փոխայցելությունների իրականացումը:
Մտքեր են փոխանակվել երկկողմ, բազմակողմ և տարածաշրջանային օրակարգի, միջազգային անվտանգության, ինչպես նաև՝ միջազգային հարցերի շուրջ:
Կողմերը քննարկել են նաև երկուստեք հետաքրքրություն ներկայացնող մի շարք այլ հարցեր: