ԱՄՆ-ի պետքարտուղարի տեղակալի օգնական Թոմաս Մելիան «Ամերիկայի ձայնին» տված հարցազրույցում ասել է, որ իր ներկայացրած կառույցն «Ադրբեջանի հետ կոշտ բանակցություններ է վարում արտասահմանյան և տեղական ոչ կառավարական կազմակերպությունների դեմ հալածանքների քաղաքականության իրականացման անթույլատրելիության» շուրջ:
Ըստ Haqqin.az-ի՝ բաց տեքստով Ադրբեջանի կառավարության ուշադրությունն է հրավիրվել խնդրի վրա: Նշվել է, որ «երկրի երկարաժամկետ կայունության և զարգացման երաշխիքը քաղաքացիներին բոլոր ասպարեզներում ազատություն ապահովելն է»:
Ամերիկացի դիվանագետն Ադրբեջանին խորհուրդ է տվել ավելի հանդուրժող լինել սեփական քաղաքացիների հանդեպ:
Վերջին շրջանում Արևմուտքը հաճախ է քննադատում Արդբեջանին մարդու իրավունքների վիճակի բերումով. հատկապես մեծ աղմում է բարձրացել հայտնի իրավապաշտպան Լեյլա Յունուսի բանտարկության պատճառով: