Ուկրաինայի զինված ուժերը կասետային զինամթերք են օգտագործել Դոնեցկի շրջանի բնակավայրերում, ինչը խախտում է պատերազմի օրենքները: Այդ մասին ասված է երկուշաբթի հրապարակված Human Rights Watch միջազգային իրավապաշտպան կազմակերպության զեկույցում, գրում է lenta.ru-ն:
Իրավապահները կասետային զինամթերքի կիրառման փաստը, այդ թվում նաև Դոնեցկի ուղղությամբ, գրանցել են հոկտեմբերի սկզբին։ Ընդհանուր առմամբ, Human Rights Watch-ի տվյալներով, ուկրաինական զորքերի դիրքերից առնվազն 12 անգամ «Ուրագան» և «Սմերչ» համազարկային կրակի ռեակտիվ համակարգից բաց են թողնվել կասետային ռումբեր, ինչի հետևանքով մահացել է առնվազն վեց մարդ, ներառյալ՝ Կարմիր խաչի միջազգային կոմիտեի աշխատակից Լորան Դյուպասկյեն:
Կասետային զինամթերքի օգտագործումը բնակավայրերում, ինչպես նշել են իրավապաշտպան կազմակերպությունում, խախտում է պատերազմի կանոնները և պատերազմական հանցագործություն է: Կազմակերպությունում, միևնույն ժամանակ, չեն բացառել, որ անջատողականները նույնպես օգտագործում են կասետային զինամթերք: