Թուրքիայի մայրաքաղաքի ոստիկանությունը ստուգումներ է սկսել Անվտանգության վարչության նախկին և գործող աշխատակիցների բնակության հասցեներում, որոնք կասկածվում են հեռախոսների անօրինական գաղտնալսման համար։
Ինչպես հայտնում է տեղական հեռուստաընկերությունը, ձերբակալման ենթակա անձանց ցուցակում նշված է 18 մարդու անուն, այդ թվում՝ ԱՎ բաժինների ղեկավարների, փոխանցում է ՏԱՍՍ գործակալությունը։
Հաղորդվում է, որ ձերբակալման համար որպես հիմք նշվում է մասնակցությունը Թուրքիայի ղեկավարության ներկայացուցիչների հեռախոսների անօրինական գաղտնալսմանը։
Բացի այդ, նշվում են կասկածներ, որ այդ մարդիկ «հրամաններ են ստացել արտերկրից»՝ Թուրքիայում աղմուկ բարձրացրած զինվորականների, լրագրողների, փաստաբանների մի շարք դատական գործընթացների շրջանակում։