Ուկրաինայի նախագահի որդի Ալեքսեյ Պորոշենկոն առաջատար դիրքերում է Վինիցկի շրջանի №12 մեծամասնական միամանդատ ընտրատարածքում, որտեղ նա առաջադրվել է: Այդ մասին են վկայում Ուկրաինայի կենտրոնական ընտրական հանձնաժողովի նախնական տվյալները, հաղորդում է korrespondent.net-ը:
1,73 տոկոս ձայների մշակման արդյունքներով՝ նա հավաքում է ընտրողների 78,60 տոկոսը:
Ավելի վաղ նախագահ Պյոտր Պորոշենկոն հայտարարել էր, որ իր որդին ինքն է առաջադրվելու մասին որոշում կայացրել:
«Ես այնպես եմ դաստիարակել որդուս, որ նա ինքը կայացնի որոշումներ: Նա առաջադրվելու մասին որոշում է կայացրել: Իմ հետ չի խորհրդակցել»,- նշել է երկրի ղեկավարը:
Կիրակի՝ հոկտեմբերի 26-ին, Ուկրաինայում կայացել են Ուկրաինայի Գերագույն ռադա ժողովրդական պատգամավորների արտահերթ ընտրություններ: