Թուրքիայի վարչապետ Ահմեթ Դավութօղլուն BBC-ին տված հարցազրույցում թվարկել է Թուրքիայի թշնամիներին, տեղեկացնում է «Անադոլու»գործակալությունը:
«Երեք խումբ կա, որոնց չենք ցանկանա տեսնել մեր սահմանին՝ սիրիական ռեժիմը, «Իսլամական պետությունը» և Քրդական աշխատավորական կուսակցությունը՝ PKK-ն: Դրանք բոլորը մեր թշնամիներն են»,-ասել է Դավութօղլուն:
Նա նշել է, որ Քոբանին Սիրիայում շարունակվող պատերազմի տեսանկյունից կարևոր հանգրվան է, սակայն չպետք է մոռանալ, որ այդ խնդիրն առաջացել է ավելի ընդարձակ ճգնաժամի հետևանքով:
Դավութօղլուն հայտարարել է, որ առանց սիրիական ճգնաժամը լուծելու` անգամ, եթե Քոբանիի հարցը լուծվի, Սիրիայում իշխող ռեժիմը կամ ԻՊ-ը հարձակման նոր օջախ կստեղծի, և այնտեղ կստեղծվի նույն իրավիճակը, նույն հետևանքներով, ինչ այժմ Քոբանիում:
