Կանադայի իշխանությունները մտավախություն ունեն Էբոլայի տարածման վտանգի առիթով, այդ պատճառով էլ դադարեցրել են վիզաների ձևակերպումն Արևմտյան Աֆրիկայի երկրների քաղաքացիների համար, հայտնում է «Կորեսպոնդենտ»-ը:
Աֆրիկայի հենց այդ մասն է համարվում Էբոլայի վարակի օջախ, և այնտեղի բնակիչներին վիզաների տրամադրումը «սպառնում է կանադացիների առողջությանը»:
Դադարեցվել է, թե՛ տուրիստական, թե՛ աշխատանքային, թե՛ ուսանողական վիզաների տրամադրումը:
Ավելի վաղ Առողջապահության համաշխարհային կազմակերպությունը կազմել էր 14 երկրներից բաղկացած ցուցակ, որոնցում կարող է Էբոլայի համաճարակ սկսվել:
