Վրաստանի Նախագահ Գեորգի Մարգվելաշվիլին սկսում է աշխատանքային այցն Ավստրիա, որտեղ կմասնակցի ՄԱԿ-ի` «Դեպի ծով ելք չունեցող զարգացող երկրներ» համաժողովին, որը կանցկացվի Վիեննայում: Ինչպես հայտնում է Новости-Грузия-ն` երկրի ղեկավարի վարչակազմին հղումով, համաժողովի շրջանակում վրաց նախագահը կհանդիպի ՄԱԿ-ի և ԵԱՀԿ ղեկավարների հետ:
«Այցի շրջանակներում նախատեսվում է Գեորգի Մարգվելաշվիլիի հանդիպումը Ավստրիայի նախագահ Հայնց Ֆիշերի, ՄԱԿ-ի գլխավոր քարտուղար Բան Կի Մունի, ԵԱՀԿ գլխավոր քարտուղար Լամբերտո Զանիերի հետ», -ասվում է հաղորդագրության մեջ:
Կոնֆերանսի ժամանակ Մարգվելաշվիլին կպատմի երկրի տնտեսական և ենթակառուցվածքային փոփոխությունների ոլորտում ձեռքբերումների մասին:
