«Իսլամական պետություն» ծայրահեղական խմբավորման կողմից առևանգված 230-ից ավելի եզդի է ազատ արձակվել: Այդ մասին BBC-ին հայտնել է Իրաքի Քրդստանի կառավարության ներկայացուցիչը, հաղորդում է BBC-ի ռուսական ծառայությունը:
Նուրի Օսմանի խոսքով՝ 154 կանանցից և 80 տղամարդկանցից մի քանիսն ինքնուրույն են փախել, մնացածներին ազատել են քրդական ուժերը կամ նրանց համար փրկագին է վճարվել: Նրանց մեծ մասն արդեն տուն է վերադարձել:
Նա հավելել է, որ առևանգված եզդի կանանցից շատերը ենթարկվել են խոշտանգումների և սեռական բռնության։
Կառավարությունը տեղյակ չէ, թե քանի եզդի է դեռ մնում «Իսլամական պետության» մոտ, նշել է Օսմանը:
