Եթե ադրբեջանական կողմը չկատարի Ղազախստան 6 հազար տ AI-92 տեսակի բենզին մատակարարելու պարտավորությունը, ղազախական կողմը ադրբեջանական ընկերության նկատմամբ պատժամիջոցներ կկիրառի:
Այս մասին, ինչպես հաղորդում է «Ինտերֆաքս»-ը, հայտարարել է «ԿազՄունայԳազ վերամշակում եւ մարկետինգ»ընկերության գլխավոր տնօրենի տեղակալ Էրլան Կոյբագարովը:
Նա ասել է, որ իրենց ընկերությունը հոկտեմբերի 10-ին պայմանագիր է ստորագրել ադրբեջանական կողմի հետ Ղազախստան 6 հազար տ AI-92 տեսակի բենզին մատակարարելուվերաբերյալ եւ հոկտեմբերի 14-ին նախապես վճարել է 3 հազար տ բենզինի համար:
«Պայմանագրի պայմանների համաձայն` վճարված բենզինի մատակարարումը պետք է իրագործվի մինչեւ ընթացիկ տարվա նոյեմբերի 10-ը: Ադրբեջանը խնդիրներ ունի, եւ մենք մտածում ենք, որ իրականում բենզինը չի մատակարարվելու: Պարտավորությունները չկատարվելու դեպքում, համաձայն պայմանագրային հարաբերություններին, մենք պատժամիջոցներ կկիրառենք այդ ադրբեջանական ընկերության նկատմամբ», -ասել է նա:
Ադրբեջանի պետական նավթային ընկերության (SOCAR) աղբյուրը անցյալ շաբաթ ԶԼՄ-ներին հայտնել էր, որ չեն կարող բենզին մատակարարել Ղազախստան` դրա համար անհրաժեշտ ծավալներ չունենալու պատճառով: Աղբյուրը նշել է, որ SOCAR-ի հիմնական խնդիրը նախ եւ առաջ նավթամերքներով ներքին պահանջարկի բավարարումն է:
«Մենք բենզինի ազատ ծավալներ չունենք Ղազախստանին վառելիք մատակարարելու առաջարկը բավարարելու համար: Արտահանվել կարող է միայն ավտոմոբիլային բենզինի ավելցուկը: Այսօրվա դրությամբ նման ծավալներ չկան Ադրբեջանում, եւ գործանականորեն, երկրում արտադրվող ամբողջ բենզինը մատակարարվում է ներքին շուկա», -նշել է աղբյուրը:
