Ռուսաստանցի սկանդալային պատգամավոր Վլադիմիր Ժիրինովսկին առաջարկել է հողին հանձնել խորհրդային առաջնորդ Լենինի դին, որը մումիֆիկացված վիճակում պահվում է Մոսկվայում իր դամբարանում:
«Գազետա»-ի փոխանցմամբ՝ Ժիրինովսկին առաջարկում է Լենինին հողին հանձնել Միտիշչիի գերեզմանատանը, որտեղ շատ անվանի մարդիկ են թաղված:
Նա հիշեցրել է նաև, որ գոյություն ունեն Լենինի մոր և հոր գերեզմանները՝ Պետերբուրգում և Ուլյանովսկում:
Սրանից բացի նա ուշադրություն է հրավիրել, որ քաղաքակիրթ աշխարհում ոչ մի տեղ մահացած մարդկանց չեն խոնարհվում: Միաժամանակ նա ընդգծել է, որ այդ կերպ կոչ չի անում քանդել դամբարանը: Նա կարծում է, որ գեղեցիկ շենքի այդ հատվածը կարելի է օգտագործել որպես անցում դեպի Կրեմլ:
